Youtube հանրահայտ կայքի երեք հիմնադիրներն էլ աշխատել են Paypal-ում, երբ սկսեցին իրենց նախագիծը: (Steve Chen, Chad Hurley, Jawed Karim) Կայքի դոմենը գրանցվել է 2005 թվականի փետրվարի 15-ին: Կայքում գրանցվածների 70%-ը ԱՄՆ-ից են, իսկ 50%-ի տարիքային շեմը չի անցնում 20 տարեկանը: Եթե Youtube-ը լիներ հոլիվուդյան կինոարտադրության ընկերություն, ապա իր ձեռքի տակ կունենար այնքան նյութ, որը կբավարարեր յուրաքանչյուր շաբաթ 60.000 նոր ֆիլմի նկարահանելու համար: Որպեսզի արտադրեն նույնքան տեսանյութ, որքան Youtube-ում է բեռնվել վերջին 2 ամսվա ընթացքում, ապա հանրահայտ NBC, ANC, CBS հեռուստաալիքներին անհրաժեշտ կլիներ աշխատել առանց հանգստյան օրերի, շուրջօրյա՝ սկսած 1948 թվականից: Youtube-ի ամբողջական թրաֆիկը մոտավորապես կազմում է այնքան, որքան կազմել է 2000 թվականին ամբողջ ինտերնետ թրաֆիկը: Youtube-ի բոլոր տեսանյութերը դիտելու համար անհրաժեշտ է 1000 տարի, իսկ մինչ այդ Youtube-ում բեռնված տեսանյութերը կավելանան 1միլիարդով: Youtube-ում ամենահայտնի տեսանյութերի բաժինը «Երաժշտություն» բաժինն է, որի մեջ է մտնում ողջ տեսահոլովակների 20%-ը: Youtube-ում տեսանյութերի բեռնումով առաջատար դիրքերում է ԱՄՆ-ն, որին հաջորդում է Մեծ Բրիտանիան:


Դիտումների քանակով կրկին առաջին տեղում է գտնվում ԱՄՆ-ն, երկրորդ տեղում' Ճապոնիան: Ամենաառաջին տեսանյութը, որը բեռնվել է Youtube-ում, «Ես գազանանոցում եմ»-ն է: Այն տեղադրվել է է Youtube-ում 2005 թվականի ապրիլի 23-ին, հիմնադիրներից մեկի՝ Դ. Կարիմի կողմից: Ամենօրյա դիտումների քանակը Youtube-ում ավելի քան 2 միլիարդ է: Google-ը գնել է Youtube-ը 2006 թվականին' 1,65 միլիարդ դոլարով: Ռուսական YouTube-ի առաջին տեսահոլովակը 2007-ին Պետրա Նալիչի «Կիթառ» երգի տեսահոլովակն էր: 2007-ի մարտի 13-ին « Viacom» ընկերությունը դատի է տվել Google-ին` մեղադրելով, որ Youtube-ը խախտել է հատուկ պայմանները և պահանջում է բոլոր օգտվողների կոնտակտային հասցեները: Դատավորը հայցվորի պահանջները բավարարեց, չնայած դա օրենքի խախտում էր համարվում ԱՄՆ-ում: Youtube-ի շատ օգտատերեր, որոնց տեսահոլովակները հայտնի էին դարձել Youtube-ում, հայտնի են արդեն նաև իրական կյանքում: Օրինակ բոլորիս հայտնի Ջասթին Բիբերը ստացել է շահավետ պայմանագրի առաջարկ` շնորհիվ Youtube-ում իր մայրիկի տեղադրած տեսահոլովակների: Եթե տեսահոլովակի ներբեռնման ընթացքում սեղմեք վերև, ներքև, աջ կամ ձախ կոճակները, կմիանա «Snake» խաղը: Համաձայն 2010-ի նոյեմբեր ամսի վիճակագրության տվյալների` Youtube-ում մեկ օրում ներբեռնվում է 50.400 ժամ ընդհանուր տևողությամբ տեսանյութեր: Ջնջված տեսանյութերը Youtube-ից ֆիզիկապես չեն հեռացվում, և Deleted Youtube Video Viewer-ի և նման ծրագրերի օգնությամբ դառնում են տեսանելի: 2009 թվականին Չինաստանում արգելափակվեց Youtube այցելելու հնարավորությունը, երբ այնտեղ հայտնվեց տեսահոլովակ, որում չինացի ոստիկանները ծեծի էին ենթարկում Տիբեթի կուսակրոններին: Ըստ Wikipedia-ի՝ 2005 թվականի փետրվարի 15-ը Youtube-ի պատմության պաշտոնական սկիզբն է:  Շատ քչերը գիտեն, որ ի սկզբանե Youtube.com կայքը մտածված էր և իրականացվում էր որպես ծանոթությունների կայք, բայց մեկ յուրօրինակությամբ՝ հնարավորություն բեռնել անձնական տեսանյութեր: Կայքի հիմնադիրներ Չադ Հերլին, Սթիվ Չենը և Ջավիդ Կարիման գտնում էին, որ այդպես մարդկանց ավելի հեշտ կլինի պատմել իրենց մասին և գտնել համապատասխան մարդուն բայց կատարվեց այն, ինչը ոչ մի կերպ չէին սպասում հիմնադիրները՝ օգտատերերը փոխեցին պրոեկտի ճակատագիրը բոլորովին այլ ուղղությամբ: Տեսանյութերի մեծամասնությունը, որ բեռնում էին օգտատերերը իրենց մասին չէր, այլ այն մասին, թե ինչ է կատարվում իրենց շուրջը: Հերլին, Չենը և Կարիմը անմիջապես հասկանում են, որ դա ազդանշան է, ըստ որի կայքի հաջողության համար պետք է կատարել ռեբրենդինգ:

Ովքե՞ր են YouTube-ի հիմնադիրները

Հերլին, Չենը և Կարիմը կոլեգաներ էին PayPal վճարման համակարգում: Հերլին՝ գլխավոր դիզայներն էր, իսկ մյուս երկուսը՝ ինժեներ-նախագծողներ: youtube.com-ի միտքը պատկանում է Չադ Հերլիին: Այն բանից հետո, երբ մյուսները ծանոթացան մտքի հետ և քննարկեցին հիմնական նրբությունները՝ երեքն էլ դուրս են գալիս աշխատանքից և լծվում կայքի ստեղծմանը: 2005թ. փետրվարի 14-ին նրանք գրանցեցին YouTube.com դոմենը: Ապրիլի 23-ին Ջավիդը տեղադրեց առաջին տեսանյութը, որի տևողությունը 19 վայրկյան էր: Ահա այն.Տեսանյութերը հարմարավետ դիտելու համար նախագծողները սկսեցին օգտագործել նվագարկիչ Macromedia Flash հիմքի վրա: Ժամանակի ընթացքում ի հայտ է գալիս նոր ֆունկցիա, որի շնորհիվ բանալի բառերով հնարավոր էր փնտրել ցանկալի տեսանյութը: Բացի դրանից YouTube-ում առաջինը հայտնվեց տեսանյութի գնահատման համակարգը: Հետևաբար ամենահանրաճանաչ տեսանյութերի թոփը ձևավորվում էր օգտատերերի գնահատականների արդյունքով: Ընկերության սրընթաց աճը գրավում է Sequoia Capital և Time Warner վենչուրային հիմնադրամների ուշադրությունը: Sequoia Capital-ը 2005թ. նոյեմբերին YouTube-ում ներդնում է 3 միլիոն դոլար, ինչը հնարավորություն տվեց տեսածառայության հիմնադիրներին հանրային մուտք ապահովել YouTube-ին: 2005թ. նոյեմբերի 22-ը կարելի է համարել YouTube-ի լիարժեք ծննդյան ամսաթիվ: Հետաքրքիր դիպված պատահեց ծառայության անվան հետ՝ Universal Tube & Rollform Equipment ընկերությունը դատական հայց ներկայացրեց: Հայցի էությունը կայանում էր նրանում, որ երբ օգտատերերը սխալ էին մուտքագրում անունը՝ հայտնվում էին Utube.com կայքում, որը պատկանում էր մեդիահսկային: Այդ սխալների մեծ քանակի պատճառով Universal Tube & Rollform Equipment կայքը հաճախ անհասանելի էր դառնում: Հայցը այդպես էլ չբավարարվեց, իսկ ընկերությունը ստիպված եղավ փոխել իր հասցեն Utubeonline.com-ի: 2006թ. նոյեմբերին հայտնի դարձավ, որ YouTube LLC գնվել է Google ընկերության կողմից: Հանրաճանաչությամբ՝ այսօր YouTube-ը թվով 3-րդ կայքն է աշխարհում: Հնարավոր է մի օր YouTube.com-ը կզբաղեցնի ժամանակակից հեռուստատեսության տեղը: Արդեն հիմա YouTube-ում հնարավորություն կա դիտել համերգներ, լեկցիաներ և սեմինարներ ուղիղ եթերով: Այ այսպես, սովորական ծանոթությունների կայքը կարողացավ վերափոխվել և զարգանալ որպես սկզբունքորեն նոր վիդեոհոսթինգ: Նվաճել ժողովրդի սերն ու ամենուրեք դառնալ հանրաճանաչ: Դա իրոք զգալի նվաճում է: Եվ որ ամենակարևորն է՝ նրա պատմությունը այսքանով չի սահմանափակվում: